ابو ذيات على العراق الغالي

السلام عليكم

الوضع ياناس رايد ... منه فطنه
حكنه الصار بيدك ... منه فطنه
نفطنه احنه شقبضنه.. من نفطنه
الهم خير صب والنه الاذيــــــه

*****************

شلع كلبي بلادي ..... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــــه

*******************

عراق الما يرد زاير ....... بلمراد
وناره ادلي كل تايه ...... بلمراد
غرك وتنخه بخوانه ........ بلم راد
البلم ودوه تفجر شو عليـــه

*******************

نشد عن الوكت جاير .... بلي جار
وعن حبل الحزن جرك .... بلي جار
عراقي وبالعراق اسكن .... بالايجار
وفلا ابيع الوطن حد المنيـــــه

********************