ابو ذيات للمحبين

موضوع: ابو ذيات للمحبين 14/5/2008, 14:58

السلام عليكم

تك الكلب ضاع و انسرق تك

حبيبي شكو بيها و انسرقتك

مخبل انسة حسنك و انسة رقتك

ورقة اني و طبع شكلك علي

*******************
انا الصياد صادتني شبكتك

عمي شكد حلوة شبكتك

ادك عليك مشغولة شبكتك

اضن جهازك مقفل بس علية
******************
انه وياج احس دنياي جنة

ملاك بعيني انت ابد م جنة

انا اتمنى تصيري لامي جنة

بوسه انطيج كل صبح ومسية
*********************
غرف رمان بخـــــدوده غرف تين

ويريت اغرفلي من حسنا غرفتين

داجر مشتمل كلبي غرفتيـــــن

والايجار بوسه بكل مسيــــــه
**************************
سرح شعرك تهدل صوبي وانساب

وطفح دمعك على الوجنات وانساب

اسألك ياهو گلي وياك وانسب

وتجازي افعالي الطيبه برديه
*********************
ياربي لو ننخاك العبد عينه

سوده وماتحب الكحل عينه

رفع طرف العبايه وشفت عينه

وشفت ميزان ونجوم وثريه
***********************
طعم حبك يمحبوبي شفانة

تشابكنة ولا واحد شفانة

تتذكر من سوى طبكن شفانة

سكرنة وللارض طحنة سوية

**********************
خلص دمعي بغيابك دمعة دمعة

وتظل دش لحياتي صافي دمعة

كل الناس طابوكة بس انت دمعة

وفدوة يروحلك حتى الثرية
************************

اضل للموت اصيحاً بسمك انة

حروفي بوسط اسمك بسمك انة

اعربك بسم انة وكانة

اذا اعرب غلط تصبح قضية
******************************

اتمنلى تعجبكم

موضوع: رد: ابو ذيات للمحبين 14/5/2008, 19:09

اني اشكرك هواي عيني كلش حلوه مع اني مااعرف الى بعض الكلامات بس كلش عجبتني
مشكور وتمنياتي لك بتوفيق ونشوف منك المزيد
تحياتي لك

موضوع: رد: ابو ذيات للمحبين 15/5/2008, 10:58

العفو عيوني

شكرا على الرد